مايان السيد ترد لأول مرة على انتقادات دورها في 1000 حمد الله ع السلامة

ردت الفنانة الشابة مايان السيد على حملة الانتقادات التي تعرضت لها بسبب دورها في مسلسل 1000 حمدلله ع السلامة التي تشارك به مع الفنانة يسرا وعدد من نجوم الفن.

وعبر خاصية انستا ستوري، على موقع الصور الشهير انستغرام، وجهت مايان رسالة للجمهور للرد، وقالت: "من حق أي ممثل في العالم إنه يقدم تجارب مختلفة ويلعب بالأدوار، وأنا قدمت دراما كتير كان آخرها في مسلسل (إلا أنا) وكانت ميلودراما، وخاصة في قصة حلم حياتي، والحقيقة القصة كانت غنية بالمشاعر والأحاسيس"، وأكملت: "تعبت جداً في المسلسل ده بقدر حبي للشخصية وللدور، وأنا طول عمري كنت بحلم أقدم دور كوميدي".

 وأضافت "عندما تلقيت فرصة في المسلسل بتلعب بطولته الفنانة الجميلة يسرا، والمخرج عمرو وإنتاج العدل جروب، قلت ليه مجربش وأخد الريسك"، واكملت حديثها: "أنا السنة دي كنت حابة في تقديم عمل كوميدي ومحتوى مختلف بعيداً عني لحد ما وعن اللي قدمته قبل كده". 

وواصلت حديثها، وقالت: "ممكن جداً الناس شافت دمي مش خفيف ومليش في الكوميديا وأن الكوميدي مش لايق عليا، ده حقهم وحقكم أنكم تعبروا عن رأيكم وأنا من ناحيتي بحاول أذاكر واسمع الانتقادات وأشوف إيه اللي ناقص وأقدر اشتغل عليه و يبقي أحسن ليا بعدين لأن أنا لسه بتطور، أنا لا أعتبر نفسي فنانة كبيرة، أنا لسه بكبر و لسه بتعلم.. وبتعلم من الأساتذة الذين أعمل معهم".

وواصلت حديثها قائلة: "أنا متفهمة الانتقادات وآراء الناس، ومستوعبة كل التعليقات، مش مغرورة عليها أبداً، بس اللي عايزة أقوله أنا لسه بتعلم وبتطور، من حق أي ممثل إنه يجرب".

وبشأن التعليقات السلبية على طريقة كلامها ضمن أحداث المسلسل، قالت مايان السيد: "كنت حابة أجرب و أعمل حاجة غريبة وجديدة عليا في الأول والآخر بنعمل حاجة كوميدي".

 

 

 

 

View this post on Instagram

 

 

 

 

 

 

 

 

 

 

 

A post shared by Mayan El Sayed مايان السيد (@mayanelsayed)