ويجز يوجه رسالة لمنتقديه ويكشف تفاصيل حفل الأردن

 وجه الفنان الشاب ويجز رسالة لمنتقديه عبر موقع الصور الشهير انستغرام، طالبهم بالسعادة بعيداً عنه.

وقال ويجز في الفيديو: "مساء الفل يا جماعة نفسي الناس تجاهد نفسها بعدين تيجي تجاهد عندي، علشان مبقتش فاهم أنت عندك مبدأين في الحياة جاي تطبقهم عليا، لا طبقهم على نفسك".

وأضاف: "ولما الناس إن شاء الله يقولوا إنك أنت المثال الذي يحتذي به أهو أنا هحتذي بك وهاجي اسألك، وأقولك أنت عملت كده إزاي بجد أنا عايز أتعلم كل اللي عندك غير كده بجد بلاش الجهاد اللي هو أخش أقولك تعمل إيه ومتعملش إيه في حياتك ده غريب جدًا بجد، اتبسطتوا وخلوني اتبسطت".

 حفل ويجز في الأردن

وفي سياق آخر، وجه ويجز رسالة لجمهوره، قبل الحفل الغنائي الذي يحييه في الأردن يوم الجمعة 2 سبتمبر المقبل، ونشر فيديو عبر موقع الصور انستغرام، قال فيه:  "بخصوص حفل الأردن، في حد قرر يطلع يقول إني عايز الناس كلها تلبس أبيض، لأ عادي يا جماعة، ممكن الناس كلها تلبس أحمر أو أزرق أو أخضر، أي لون إنت عايزه، طالما مش هيوجع عينينا، وطالما مش فسفوري، لإن مفيش حد ينفع يلبس فسفوري".

وتابع  في رسالته للجمهور"ياريت كل واحد يلبس حاجة تعبر عن شخصيته، ماتسمحش لحد يقول لك تلبس إيه وماتلبسش إيه، مفيش حد له الحق يقول لك تلبس إيه، ألبس واقلع اللي إنت عايزة".

وأعلن ويجز، عبر خاصية انستا ستوري على صفحته  الخاصة على انستغرام:  "انتظروا أغنية "بالسلاسة وكيفي قنا واليخت" مع فنان صاعد "خيجز"، كما وجه رسالة لجمهوره، قبل الحفل الغنائي الذي يحييه في الأردن يوم الجمعة 2 سبتمبر المقبل، حيث قدم خلال الفترة الأخيرة عدد من الأغاني التي حققت نجاحاً كبيراً منها مثل "دورك جي" و"بورش" و"أسياد الصوت" و"مش فير" و"كيفي كده" و"بعودة يا بلادي"، "اليخت".