الشيخ محمد بن زايد آل نهيان: أبيات شعر للتهنئة بعيد ميلاده

  • تاريخ النشر: الأربعاء، 10 مارس 2021
الشيخ محمد بن زايد آل نهيان: أبيات شعر للتهنئة بعيد ميلاده
مقالات ذات صلة
دعوات لمقاطعة زارا بسبب تصريحات معادية لفلسطين والفلسطينيين
اللغة العربية بصيغة المؤنث: إعداد جديد على تويتر
قصيدة لا تصالح لأمل دنقل

 تأتي غداً ذكرى ميلاد صاحب السمو الشيخ محمد بن زايد آل نهيان وكتب عدد من الشعراء قصائد في حب سمو الأمير.

وعلى رأسهم، أهدى صاحب السمو الشيخ محمد بن راشد آل مكتوم نائب رئيس الدولة رئيس مجلس الوزراء حاكم دبي "رعاه الله"، قصيدة نشرها سموه على حسابه الرسمي على موقع انستغرام.

قصيدة صاحب السمو الشيخ محمد بن راشد آل مكتوم

يا شريفٍ منْ شريفٍ لهْ مقامْ

يشهدْ التاريخْ أنِّكْ منْ كريمْ
زايدْ اللي بهْ فخرنا عَ الأنامْ

وأنِّهْ إختاركْ ولهْ رايٍ حكيمْ
في إختياركْ وقتْ سلَّمكْ الزِّمامْ

فاهمٍ طبعكْ ومامثلهْ فهيمْ
وإنتهْ مثلهْ في ذكاهْ والإفتهامْ

الوطنْ بكْ عَزْ وإنتهْ لهْ زعيمْ
والشَّعِبْ لكْ فَزْ سِرْ بهْ للأمامْ

إنتهْ جنبتهْ الخطَرْ وأمسىَ سِليمْ
وعاشْ في خيرْ وسعادهْ وإبتسامْ

اللهْ يخلِّيكْ في الدنيا مديمْ
تحتفلْ وتعيشْ في خيرْ وسلامْ

وأيضا كتب الشيخ خالد بن محمد بن زايد آل نهيان قصيدة مهداه إلى الشيخ محمد بن زايد ال نهيان في عيد ميلاده الذي يحل في 11 مارس.

قصيدة الشيخ خالد من محمد بن زايد

حنّا يا بوخالـــــــــد مثل أي باروت ..

ولّع وشفنا كيف نوقف فداهــــــــا

تقدر تسمّينا كتيبة هل المــــــــوت ..

من عشقنا للموت فدوة ثراهـــــــا

ياشيخ مابيها عمارات وبيـــــــــوت ..

يكفي أشوفك شامخٍ في سماهــــا

ماقول إسمك بأول المجد منحوت ..

الله خلقك المجد وإنته سناهـــــــا

القائد الأعلى جبر كل طاغــــــوت ..

أن يحترم دولة زعيمٍ بناهـــــــــــا

زايد بناها لين ما أثمر التــــــــوت ..

وأبصر بعينه المعسرات وعصاهـــا

وأكمل مسيره من ع الخير منعوت ..

خليفة إلي بالمكارم كساهـــــــــا

لو إنك طلبت الجيش به كل جبروت ..

ماعاش والله من يعكر صفاهــــــــا

تحت الأوامر وين ما تبغي انفـــــوت ..

معسكراتٍ ترعب الي يباهــــــــــــا

وأبشر بعزك كلنا نعشق المـــــــوت ..

لترابها حتى لنسمة هواهـــــــــــــــا

خذنا يابوسلطان بأسرع من الصوت ..

الشيخ محمد بن زايد آل نهيان

كتب عدد من الشعراء أبيات شعر لتهنئة الشيخ محمد بن زايد آل نهيان بيوم مولده:

خذنا قذايف مايوقف مداهــــــــــــا
نباها يالشعّار مليونيّه
                     لعيون بو خالد نسدّ الحيّه
لجله نصوغ الملحمه ونعلنها
                  واللي يبا يشارك بها يا حيّه

مريم النقبي (سجايا الروح)

***

فخر العروبه وعزها وناموسه
                     نحْيا بْذراه ونحتمي في فيّه
كل القصيد بشيخنا يتنومس
                 يحلى بوصفه وذكره وطاريّه

علي بن شميل الكعبي

***

كلنا جنوده طوع آمر سموّه
                      يبشر بنا والله نهار الهيّه
انسد عين الشمس إن وقفنا
                   وبلادنا بأرواحنا محميّه

عتيق خلفان الكعبي

***

بوخالد اللي كل ابونا نحبه
‏               والحب له ف بْلادنا ماريه
‏ظاهر ولكنّا علينا نْلَبّي
                 ‏ونْتَوّجهْ بابيات وجدانيه

‏عبيد بن طرّوق النعيمي

***

هذا الأسد شبل الأسد ضرغامي
                            ‏متسلسلٍ من ﻻبةٍ ياسيّه
‏يوطى على خشوم العدا بقدامه
                       ‏متحزّم أبشعبه على لبغيّه

محمد بن هاشم الشريف

***
بنات فكري يوم صاح الصايح
                       تزاحمن بالراس سوّن عيّه
هل كيف والمعناي شهم وفارس
                  أرواحنا فدوى لذي الشخصيّه

صالح الشريف

***

أي والله نشارك ونبني قمه
                   مِْن الشعور العذب والقافيّه
محمد بن زايد سمو وهيبه
                أعظم جبال الكورة الأرضيّه

الشاعر: عايض الحبابي

***

الوزن والمضمون والقافية
              من شأن أبو خالد تشعشع ضيّه
روح المعاني دايمٍ نضمنها
            وفي مدح محمد مشرقة طوعيه

عبدالعزيز الفدغوش

***

يسلم لنا حجاجه وضحكة سنه
                      بوخالد اللي طيبته عفويّه
بوخالد القلب الكبير الوارف
                   له م الشمال الحب للغربيّه

مبارك مسعود الحمادي

***

هذا محمد ولد زايد يا اللي
                   افعال زايد فيه و الله حيه
الوالد الأخ الصديق القايد
                محبته في القلب مب عاديّه

سعد عمر الخرجي

***
ياحي طاريه الصقر ياحيّه
                شيخ الشيوخ اللي ذرانا فيّه
فيه نتفاخر نسرع نكمّلها
                نهدي له ابيات الشعر ألفيّه

نورة السبيعي

***
لعيون بوخالد صدوق النيّه
                ما نقصّر يوم المواقف حيّه
حنا جنوده سيدي بوخالد
                نوقف على شانه نهار الهيّه

حمدان القايدي

***

اي والله ان محبته معنيّه
                       بقلوب شعبه ميّةٍ بالميّه
لو يطلب الصعبه تُنفَّذ لاجله
              لو هي بآخر هالكره الأرضيّه

اللّولو بنت ذياب

***

قرمٍ لي ثارت نهار الهيجا
                  يطق صدره للقا من زيّه؟
قولٍ ثبات مصدقه بفعوله
             والقول يكفي صامله عن غيّه

علي الدهمشي

***

حنا جنودٍ للوطن ونصونه
                  لعيون ابو خالد نجي بالهيّه
يحكم قلوب الناس في افعاله
             وتشرق إمارات الوفا من ضيّه

بندر الفدغوش

***

في شف ابوخالد عيوني فدوه
                    الله يسلم روحه وطاريّه
في حبه البيتين ما يكفينا
              الحب أسمى عاطفه روحيّه

محمد سعيد المشيخي

***

كل القوافي جاتكم طوعيّه
                     محبّةٍ بالغالي وطاريّه
ومن قلتي محمد ولد زايدنا
                  اشعارنا صارت نهيّانيّه

عبدالله صلال العساف

***

شيخ الشيوخ اللي حلا طاريّه
                    محمد اللي به عقدنا النيّه
شهم كريم وشوفته مَ نملها
                هذا البطل والله ما في زيّه

بشرى الحضرمي

***

هذا الشهم نسل الكرم منبوته
               ما هو بحكايه وقصّةٍ رمزيّه
شيخٍ أصيلٍ والسّخا عنوانه
                    أمجاد عِزِّه نهضةٍ يوميّه

ناصر البكر الزعابي

***

بو خالد اللي لاعتزا برجاله
                     يجون له خيّاله ورجليّه
فخر العرب بالجود ولا الفزعه
                      سدٍّ منيع وغارته جويّه

شواهق نجد

***

بو خالد اللي معتلي مقداره
                     عزّ ومكانة وقيمةٍ دوليّه
بين الأمم سيفٍ يصون ابلاده
                     غنّيت من عذب الشِّعِر حَربيّه 

محمد الهاملي

***

يستاهل الغالي نعم يستاهل
                     نكتب بوصفه ملحمه شعريّه
لكنْ م اتسد الحروف وتوفي
                     من هو لزايد نسخةٍ اصليّه

فطيم الحرز

***

طاري ( أبو خالد ) يسد و يكفي
                     بين الخلايق ما نلاقي زيّه
يمنى ( خليفه ) في الرّخا والشدّه
                     و ( زايد ) أبونا في الشّبه والنيّه

عبدالله بن فهم الحمودي

***

من شاف ابو خالد تذكر زايد
                     لوصاف هيّه والفعايل هيّه
من فكرة وقوة فعال يْمينه
                     ما حد مثله في الكره الارضيّه

محمد النقبي

***

لبيّه يا نجل الفخر يا محمد
                     أشّر ولك تصفّ ملياريّة
ارواحنا وحروفنا سلْم وْوغى
                     حتْف الرِدي واحلامه الورديّه

هنادي المنصوري

***

يسلم لنا محمد ويسلم كفّه
                     اللي علومه بالوفا مرهيّه
لي شفّنا شفّه ونسير بشوره
                     ان قال طال ونارنا له حيّه

محمد السالومي

***

الشعر والقيفان باسمه تفخر
                     اللي على صدق الوصفْ منشيّه
مثل الشمسْ بين الكواكب فعله
                     والله عطاه مْن الشَعبْ شَعبيّه

عامر بن هدفه العامري

***

الأول اللي تنذكر أفعاله
                     وارث شموخ المشيخه الاصليّه
من زايد اتعلم شموخ الحكمه
                     وبالعزم راياته.. وهيّه هيّه

ناصر الغاوي

***

بو خالد الآمر علينا الناهي
                     مخلص لشعبه صافيين النيّه
وحنا فطوعه وطايعين اخوانه
                     هبي لهم يالنود من صبحيّه

بدرية الخالدي (دموع أبوظبي)

***

كل القوافي لجل عينه تسابق
                     عز وفخر...و مترجمة ياسيّه
محروز بوخالد..عليه نماري
                     القائد اللي في الشدايد غيّه

غرشوب الفجر

***

كلنا نشوفه بالفعايل زايد
                     و نعيش في عزه بشمسه وفيّه
فأمره و لأمره كلنا له فدوه
                     واحنا لها في سلم والا هيّه

ذياب الغانم الحميدي

***

امضي يا بن زايد ومثلك يامر
                     تسقط جبال الارض والمبنيّه
لجل الوطن هالكل حاضر والم
                     والروح لترابه كذا مهديّه

عبدالله زينل

***

طاريه بو خالد ينومس ناسه
                     ما كن غيره في الكره الارضيّه
العالم بأسره تنومس باسمه
                     اسمه علم بين الشعوب الحيّه

حمدان السماحي

***

‏على الوجع دايم يحط الكيّه
                     ‏يوم ان غيره نظرته دونيّه
‏‏الوضع للتاريخ اكبر شاهد
                     ‏عن الفلاحي في نهار الهيّه

برق (ن) سما

***

عجزت عباراتي تعبر لانه
                     لو تنكتب مليون مب كافيّه
صفات بو خالد لوْ نعددها
                     فاقَتْه بن مالك مع الالفيّه

الحصباه

***

ذيب العرب حامي الضعيف محمد
                     كاسر خشوم الفرس يالله حيّه
له منزلن فوق الثريا عالي
                     تبطي تحيس رقابها الدونيّه

عتيج القبيسي

***

قلوبنا ف حب الوطن موفيّه
                     حبه تعدا الكوره الارضيّه
العز فيها والفخر يسكنها
                     هذي الإمارات الجميله هيّه

سالم الشامسي

***

لبيه يا وصفٍ نبع من فعله
                     سيد الشيوخ محمد ويا حيّه
كافي الاسم فخمٍ ومتبع زايد
                     ياكيف واوصافه لنا مرئيّه

فيصل النقبي

***

أبيات شعر لتهنئة الشيخ محمد بن زايد بعيد ميلاده:

قيمة محمد ماهي ب عاديّه
                     والذود عنه إجبار يا معاديّه
جيتك اشارك والفخر في قافي
                     بانه من الخافق.. بلا ماديّه

أنفاس الفجر

***

أشر يا بوخالد وحنا جنودك
                     رهن الإشاره بلحظةٍ حتميّه
نصخي الدما فدوه لعين ترابك
                     وأرواحنا لعزّ الوطن مهديّه

حمدان محمد الشريف

***

هذا محمد ولد زايد شامخ
                     ذخر الخليج وكلها العُربيّه
بوخالد الفزعات ربي يديمه
                     الله عطاه وميّزه خلقيّه

سعيد بن غماض الراشدي

***

يا حرف ركز واعطني غنيّه
                     تهدى لمن هو في القمم طاريّه
شاجع قوي العزم راعي همه
                     لكن مع شعبه فخر حنيّه

حسين مبخوت الحارثي

***

الوزن لجلك يتبع القافيّه
                     يابو الوفا والطيب والعفويّه
سلام يا قلب البلاد النابض
                     بالحب والإيثار والحنيّه

سراب الشارجة

***

بوخالد إن نطري اسم بوخالد
                     يعني غلا.. يعني كرم.. حنيّه
يعني محبة مالها من آخر
                     كبر السما والكورة الأرضيّه

عبدالله العكبري

***

على البحر والوزن والقافيّه
                     جيت اكتب حروفي وناري حيّه
في مدح ابن زايد عريب المجنى
                     اللي فعوله ماهي بْعاديّه

صمت النار

***

هذا الفخر هذا المقام السامي
                     هذا الحليم اللي روانا ريّه
هذا محمد وان ذكرنا محمد
                     توقف له ابيات الشعر مبنيّه

علي بن عمير

***

لاجلك يابوخالد برتب قافي
                     نرد بَه الواهي و نطوي طيّه
حروف اسمك نورها بك ضافي
                     ترعب شراذم روسها كالحيّه

حمدة العوضي

***

ما خذ شبه زايد و قدره وافي
                     شيخٍ تعلّى ع المكارم ضيّه
محمد بو خالد يا عساه ف صحه
                     حامي حمانا وحامي الذريّه

سعيد خليفة بن عمير الشامسي

***

اذا المجالس دار فيها الطاري..
                     طاري الرجال أهل العزوم الحيّه.
لابد مايطري جميل المعنى..
                     محمد الضرغام شجاع الهيّه.

عبدالله بن سرور الشامسي

***

هذا كتابي في وفاه ملبي..
                     بوخالد الشغموم وافي النيّه
‏هذا زعيم ٍ من نسل لكرامي..
                     والله ما تكفيه مليونيّه

سالم العليلي

***

لا قلت نجمٍ ساطعٍ في كونه
                     بعض الوصايف تظلم الشخصيّه
بوخالد الا الشمس في انواره
                     والكون كله يستمد من ضيّه

لميا الصيقل

***

اعزومنا بالقاف فرعونيّه
                     يسلم معزبنا خطَتْه السّيه
بو خالد اللي بالوفا معلنها
                     البيت متوحد وناره حيّه

ابن بطي

***

يا مرحبا والنار فينا حيّه
                     ولعيون بوخالد نزيد الكيّه
نفداه بالأرواح ونقدمها
                     أرواحنا لاجل الوطن مهديّه

حمد الشامسي

***

يالشهم يالحر الكريم الوافي
                     يالعُربي.... اللي وحّد النظْريه
نوّخ صعيبات الظروف بفكره
                     وحقق طموح الدوله العصريّه

سعيد الشعشعي

***

أوصافه الندّر خذت من زايد
                     امورّثه ما يابها عاريّه
ما بات ثاره من عدوّه ليله
                     اتييبه رجاله ف وقت الضيّه

عبدالرزاق محمدي

***

نشهد انّا نفتخر بمحمد
                     ومن لا افتخربه لا رحم بو حيّه
هذا ولد زايد وزايد باقي
                     ما غاب من بين العرب طاريّه

جار الله الشدي

***

مليون ونكْمِلْ بعدها للميّه
                     في حق بوخالد تراها شويّه
فخر العرب كلها وفخر الامّه
                     يتبع نهِجْ زايد صدوق النيّه

نهلة النقبي

***

زعيم للعالم بفعله وطيبه
                     هذا محمد والمواقف حيّه
هذا شبل زايد وعلّمه زايد
                     اينومس العربان في كل حيّه

سالم سعيد بن عايش

***

هذا وَلَد (زايد).. وزايد طيبه
                     منتوب... ماله في الملا ندّيه
مفنودِ.. ندعي لي وهبه الهيبه
                     يحفظْه عدْ ما ذعذعت وسميّه

حمدة المر

***

يستاهل الطيّب وابن الطيّب
‏                     من دمنا ننسج له القافيه 

‏‏شيخٍ كريم ووافي ومتواضع
                     ‏إنساني وأفعاله انسانيه

‏‏‫عبدالله السرحاني‬

***

ندّي التحايا لْشيخنا حصريّه
                     والشعر باسمه ماخذن بَه غيّه
روح الوطن بوخالد ونسمَتْها
                     فيه القوافي تنكتب جبريه

سلمى الشامسي

***

لعينك بوخالد درر ماسيّه
                     ويفداك شعب رْجاله شْقرديّه
رجال ما تخشى الوغى مقدامه
                     تورد عَ حوض الموت لك فدويّه

محمد النحوي

***

لاجلك يا بو خالد نسلّ اسيوفٍ
                     نفدي الوطن والروح له مهديّه
ياللي بضحكة مبسمك نتباشر
                     يا راعي النفس الصخيّه الحيّه

بنت الشوامس

***

هذا الكريم ابن الكريم الوافي
                     كفّه نديّه بالعطا ورهيّه
ستر الخليج اليعربي وشعوبه
                     حامي حماه إو عوق لخونجيه

راشد علي الكندي المرر