تامر حسني يوجه رسائل للجمهور عن الصبر والتقرب من الله

وجه الفنان تامر حسني رسالة للجمهور وخاصة الذين لديهم نظرة تشاؤمية للحياة، وذلك عبر حسابه الرسمي على موقع التواصل الاجتماعي فيس بوك.

وقال حسني: " لفت نظري في تعليقاتكم ان في ناس كتير مش عارفين يوصلوا وينجحوا و حاسين ان كل شيء سيء ملازمهم و فاكرين انهم منحوسين ومصدقين ان حظهم وحش عشان مفيش اي نجاح بيحققوه و مش عارفين السبب انا هشاور على سبب مهم و خطير من قرائتي كتير في اللي هقوله دلوقتي".

 

 

 

 

View this post on Instagram

 

 

 

 

 

 

 

 

 

 

 

A post shared by Tamer Hosny (@tamerhosny)

وتابع: " طبعاً هقول سبب غير الاسباب المعروفة زي لو علاقتك سيئه بربنا او بوالديك و اهلك ،،،هقول سبب ممكن يكون مش في دماغ كتير مننا ،، كتير من صدمات حياتك سواء ليك ذنب فيها او ملكش ذنب فيها او لو ناس خذلوك او كسروك لو ناس مش كويسه نجحوا و انت شخص كويس و معرفتش تنجح".

وأكمل:".عقلك الباطن  ممكن يبقى هو السبب يعني انت السبب ورا كل ده عشان عقلك الباطن بعد الصدمات و بعد كل جرح خزن معاني غلط و اقنعك بيها انها صح زي انك شخص قليل متسواش و ملكش قيمه".

وواصل نصائحه قائلاً: "ثقتك في الله مهما يحصل و تبقى قد اختباراته و تسلم لقضاءه، ثقتك في نفسك و احترامك و تقديرك لشخصك و انك مش قليل ، تتمسك بالمبادئ مهما تشوف ناس ماشيه غلط و بتنجح تعرف ان كل بني آدم و له اختباراته الشخصيه الخاصه به هو و ربه فتخليك في اختباراتك انت ركز في قصتك انت مع ربنا ".

واكمل: "ابدأ صفحه جديده بيضاء مع نفسك في كل اتجاهات حياتك و كأنك بدلت مخك بمخ جديد نضيف نشيط متزن واعي و باذن الله هتعرف تشوف الحياه بطريقه جديده جميله و عايز اقول حاجه ممكن تطمن كل اللي بيحلموا و عندهم هدف نفسهم يحققوه".