تامر حسني يقدم نصائح لمتابعيه للتخلص من العادات السيئة

  • تاريخ النشر: الأربعاء، 09 نوفمبر 2022
تامر حسني يقدم نصائح لمتابعيه للتخلص من العادات السيئة
مقالات ذات صلة
تامر حسني يؤدي العمرة ويوجه رسالة لمتابعيه
8 نصائح للتخلص من العادات غير الصحية بعد سن الـ40
إنذار: هذه العادات اليومية السيئة تُدمر دماغك

قدم الفنان تامر حسني عبر حسابه الخاص على موقع الصور الشهير انستغرام، عدد من النصائح لمتابعيه من أجل للتخلص من "العادات السيئة" و"مجاهدة النفس"، مؤكداً أنه اقتبسها من تجربته الشخصية ومن عدد من الكتب المتخصصة.

وبدأ رسالته: " يوم جميل على الجميع كالعاده مش بعتبركم محبين فقط لا انا دايماً بشوفكم ناس من اهلي حتى لو بعضكم معندوش الاحساس دا تجاهيانا بقى عندي تجاهكم كلكم الاحساس دا و دا احساس ربنا زرعه فيا معرفش ليه و معرفش ليه مزروع فيا بالقوه دي عشان كدا اقسم بالله اي خير بعرفه بحب انقله ليكم فوراً ……..".

وتابع: " كنت بقرأ موضوع مهم اوي بما اني مجنون قراءه و سماع حبيت اكلمكم عنه و هو ((مجاهدة النفس ))"، وأكمل إنه قرر أن ينقل جزء من تجربته للجمهور للاستفادة والتعلم".

وأكمل: " واثق اننا كلنا بنمر بظروف و مؤثرات و افكار بتغير حاجات جوانا في ناس بتغيرها للأفضل و في ناس للاسوء و كلامي لكل شخص حاسس من جواه انه متضايق و عنده خطأ في فكره او عقيدته و قناعته او عاده سيئه و معصيه ثابته مش عارف يتخلص منها او صفه في شخصيته مش كويسه و فاقد الامل في تصليحها".

وأضاف الفنان المصري: " عشان يصلحها و يتغير لازم اول حاجه يعترف بيها قدام نفسه و ميقاوحش و يبرر وجودها
لازم يشوفها يبقى :
١- تعترف بيها قدام نفسه
٢- تاخد قرار حاسم في بدء الإمتناع عنها
٣- تدرس المقابل لها في الصالح و تسعى في اتجاهه
٤- اختار اصحاب صفاتهم بعيده عن هذه العيوب و العادات المشابه
٥- اصبر على نفسك في التغيير يعني لو اخدت قرار و رجعت فيه مش معناه انك فشلت لا خد القرار تاني حتى لو فشلت في الاصلاح ١٠٠ مره عادي ، خد كمل في اصرارك على التغيير و التطوير و خد كمان مره القرار اهم حاجه راقب نفسك و شوف مؤشر تحسنك بيزيد ولا ثابت خليك وراه لحد ما يبدأ يعلى هتلاقي نفسك واحده واحده انتصرت على نفسك و كسبت التحدي ".

 
 
 
 
 
 
 
 
 
 
 
 
 
 
 

A post shared by Tamer Hosny (@tamerhosny)