آسر ياسين يودع مساعده الشخصي برسالة مؤثرة

  • تاريخ النشر: الخميس، 24 نوفمبر 2022
آسر ياسين يودع مساعده الشخصي برسالة مؤثرة
مقالات ذات صلة
برسالة حزينة ياسر فرج يودع زوجته
صلاح يودع ماني برسالة خاصة.. والأخير: أنت الأفضل أخي
فيديو مؤثر لأخ يودع أخته ليلة زفافها

وجه الفنان المصري آسر ياسين كلمات رثاء إلى مساعده الشخصي مجدي الذي توفى من ثلاث أسابيع، وعبر حسابه على منصات السوشيال ميديا، أوضح ياسين، مواقف مختلفة لمساعده الشخص.

وقال: "إهداء لمجدي، كان المساعد بتاعي لأكتر من 14 سنة، قصته فيها كمية عِبر حياتية غير طبيعية، اشتغل كهربائي لمدة تلاتين سنة وبعد كده حصلتله حادثة موت اتكتبله فيها عمر جديد".

وتابع: "من هنا ابتدا يشتغل مساعد ليا بناءًا على نصيحة أبويا اللي رشحهولي عشان إخلاصه وأمانته.. عمره ما كان يتخيل إنه يشتغل في السيما ويقابل روبي ومني زكي ومحمود حميدة، ومش بس كده، ده كمان وقف قدام الكاميرا كذا مرة في أدوار شرفية كل الناس حبته لأنه يخش القلب علطول لطيبته وبساطته".

واستكمل: "كان يخاف عليا جداً بالذات في مشاهد الأكشن، وكنا ساعات بنتقمص من بعض لما نخش في حوارات عبثية عن الحياة وبعدها نقوم مهيفيين بأي كلام زي الصورة اللي في البوست، واللذيذ في الموضوع إنه كان ييجي يسألني عن نصيحتي في حاجات شخصية على رغم فرق السن".

وأضاف: "مفيش طفل يشوفه غير ولازم يبتسم لا إرادياً بسبب وشه البشوش والطفولي.. مجدي رحل عن عالمنا من ٣ أسابيع ، ولحد النهاردة أنا ما اتكلمتش عنه. يمكن لأني بتجنب ده أو أني معتبره ماحصلش، مش عارف.. بس اللي عارفه كويس أوي أنه حقيقي واحشني".

آسر ياسين ممثل مصري، فرصته الأولى جاءت عندما عرض عليه المخرج الكبير خيري بشارة المشاركة في مسلسل "ملح الأرض" مع الفنان محمد صبحي عام 2004، عام 2005 شارك في فيلم قصير "بيت من لحم" من إخراج أشرف سمير كما شارك في مسلسل "قلب حبيبة" مع الفنانة سهير البابلي وإخراج خيري بشارة.