;

نداء شرارة تكشف عن تعرضها للتنمر بسبب أنفها

  • تاريخ النشر: الأربعاء، 19 أكتوبر 2022
نداء شرارة تكشف عن تعرضها للتنمر بسبب انفها

ردت الفنانة نداء شرارة على التعليقات التي تصل لها بضرورة القيام بتغيير شكلها وخاصة في أنفها.

وفي تعليقها على الأمر، عبر حسابها الرسمي على موقع الصور انستغرام، قالت: "انا بشوف وجهي لطيف الحمدلله ، كتير ببعتولي  بس لو تعملي منخارك بتصيري احلى او حتى تعليقات  انو انتي فنانه لازم تعملي منخارك كتير بتتغيري واخر تعليق وصلني منخارك زي البتنجانه ههههههه ضحكت".

وتابعت: " بعرف منخاري مش احلى شي و في زوايا لما يصوروني منها بحسها بتنصح وجهي، وبعرف اني مش دائما بعطي عمري يمكن بعطي اوقات اكتر من عمري واكيد وجهي مش احلى وجه بالعالم".

وأكملت: "بس انا وجهي كلو محبه كلو قبول انا عمري ما اتطلعت ع المرايه ما قلت الحمدلله ع كل شي بحب حالي ومقتنعه انو هاد نصيبي من الجمال عمري ما اهتميت بكيف ممكن الناس تشوفني من برا قد ما بهتم كيف رح يشوفوني من جوا".

وتابعت في رسالتها قائلة: "الناس بتشوفني حلوه لاني بشوف حالي حلوه لانو الطيبه، اللي بداخلي مزروعه بملامحي وانا راضيه بشكلي الحمدلله، حبوا حالكم كيف ما كنتوا رب العالمين ما خلق شي مش حلو، حبيت اشارككم ما يدور في ذهني".

من جانبها تفاعلت الإعلامية علا الفارس مع رسالة شرارة، وقالت في تعليقها: " ما بدي اقلك بنت كتب لي اول ايامي في مواقع التواصل منخاري بس اضحك مثل الأندروير 🤐🤭 وانه لازم اعمل نوز جوب !
قعدت يومين اشوف حالي بالمراي حتى قربت اصدق كلامها ههههههه بعدين رجعت صحيت على حالي وقلت انا هيك وبحب حالي هيك .. ومع الوقت تقبلت كل اشكال التخلف الاجتماعي وصرت اضحك من تعليقاتهم ..
٢٠ سنة موديل شعري ما غيرته عشان اغير منخاري ولا شكلي لا ارضي ناس معيار الجمال عندها مزيف ومرتبط بترند عمليات التجميل ؟ اكيد لا .
انت الصح وهيك الواحد بده يكون مثل ما هو مش مثل ما بدها الناس".

من ضمن التعليقات: " الهوَس بمعايير الجمال الخارجي نسّت البعض بقيمة الجمال الداخلي و فضلها على القبول اللي بنعكس عالوجه ، كلُّ منّا جميل بطريقة خاصة 👏"، وقال آخر: " ياخي فخامة وعمق المعرفة ورقي ونضوج الفلسفة وعظمة صوت ولطافة االروح نادرا ما تجتمع بشخص سبحانك ربي ❤️👏👏".