إعلامية مصرية تهرب من حفل زفافها قبل لحظات من عقد القران

أثارت الإعلامية المصرية سما أحمد، جدلاً واسعاً على مواقع التواصل الاجتماعي، عدم قررت عدم إتمام حفل زفافها، قبل لحظات من عقد القران، في تصرف يعد غريباً من نوعه.

وكشفت سما أحمد، المذيعة في قناة "الشمس"، حقيقة هروبها من حفل زفافها، موضحةً تفاصيل الواقعة المثيرة للجدل.

وقالت "سما"، في مقطع فيديو عبر موقع "يوتيوب": "والدتي تعبانة من فترة وجات لها جلطة، والستات المصرية لما بيتعبوا بيحبوا يطمنون على بناتهم، فقالت ليا يا سما عايزاكي تتجوزي فلان، فقلت لها حاضر لأني عايزة أريحها وتبقى مبسوطة".

وأضافت "سما"، أنها لم تتعرف إلى خطيبها جيداً، مشيرةً إلى أنها عرضت على والدتها أن تتيح لها فرصة من خلال فترة الخطوبة للتعرف إلى شريك حياتها، إلا أن والدتها رفضت وطلبت أن تتزوج مباشرة.

وتابعت "سما": "في 10 أيام اتفقوا هنكتب الكتاب ونجيب الفستان، ولقيت نفسي بتجوز وأنا ماتكلمتش معاه ساعتين على بعض".

وأردفت: "أنا مش عايزة أزعلها وأضايقها، فقلت حاضر هضغط على نفسي عشان أشوف الفرحة في عينها لأنها مريضة والحالة بتدهور".

وأوضحت مذيعة قناة "الشمس" الفضائية: "أنا مخطوبة من بني آدم أول مرة يقعد جنبي، وأول مرة هيمسك إيدي، والمعازيم قالولي حاولي تنبسطي، لكن أنا كل اللي كان يهمني نظرة ماما إنها فرحانة، وسبحان الله المأذون اتأخر، ولما المأذون جه، وبيكتب القسيمة قمت قولت له قدام الناس أنت شخص محترم وجميل، وفيك كل الصفات الحلوة، أنا آسفة أنا مش قادرة أكمل".

واختتمت: "أخدت فستاني ومشيت ومش قادرة أواجه حد، الدنيا اتقلبت وقالوا هربت، بس أنا مهربتش ولا عملت دا عشان أركب التريند، مش هركب التريند على حساب نفسي".