عمرو سلامة عن مسلسل جعفر العمدة: التشكيك في نجاحه إنكار

قال المخرج عمرو سلامة أن مسلسل جعفر العمدة بطولة الفنان محمد رمضان، ويعرض ضمن السباق الرمضاني، حقق نجاحاً كبيراً ولا يمكن لأحد إنكار الأمر.

وقال سلامة، عبر موقع التدوين القصير تويتر: "نجاح مسلسل جعفر العمدة حقيقة وواقع والتشكيك في ده إجحاف وإنكار، ممكن تحلله أو تنتقده زي أي عمل فني زي ما تحب إنت حر ده حقك المشروع".

وتابع سلامة تعليقه قائلاً: "لكن ماتقدرش تشكك في مقدار نجاحه. المسلسل وصل لمرحلة إن الناس مش بتتفرج على جعفر العمدة، الناس "بتشجع" جعفر العمدة، عامل تفاعل مع الجمهور مابيحصلش إلا في ماتشات الكورة". 

نجاح مسلسل جعفر العمدة حقيقة وواقع والتشكيك في ده إجحاف وإنكار، ممكن تحلله أو تنتقده زي أي عمل فني زي ما تحب إنت حر ده حقك المشروع، لكن ماتقدرش تشكك في مقدار نجاحه.

المسلسل وصل لمرحلة إن الناس مش بتتفرج على جعفر العمدة، الناس "بتشجع" جعفر العمدة، عامل تفاعل مع الجمهور مابيحصلش…

— Amr Salama (@amrmsalama) April 13, 2023

ومن التعليقات: "محمد رمضان شاطر فعلا في تقديم ما يطلبه المستمعون واظن هو سابق بكثير لانه فاهم طبيعة وعقلية المتفرج المسلسل في سذاجة لكن فعلا الناس بتشجع جعفر والتشجيع مفيش فيه عقلانية والدليل هو في حد بيتفرج على مسلسلات محمد رمضان القديمة زي الاسطوره معتقدش لأن المسلسل حالة الناس بتتوحد معاه".

في وقت سابق، أشاد سلامة ببعض المسلسلات التي تعرض ضمن السباق الرمضاني، وقال في رسالة سابقة لجمهوره: "كل التحية لكل صانع دراما مش بس عايز عايز يمتع الناس، لكن بيجتهد في كسر الأنماط وتقديم نماذج مغايرة. الملفت السنة ديه".

وتابع قائلاً: "هو كذا عمل استعرضوا الذكورية السامة، أو الأحلى قدموا تعاريف مغايرة للذكورة، راجل مش مكسوف يعيط، راجل متصل مع مشاعره، راجل بيتنازل من أجل الحفاظ على أسرته، راجل حتى بيطبخ والاحتفاء بيه، وإن كل ده مش معناه إنه "مش راجل" أو ينتقص من ذكورته. آه لسة بنشوف نماذج لسة بتحتفي بالذكورية السامة في أعمال ثانية، وربما تكون أكثر شعبية، لكن التحية للمغردين خارج السرب، الأقلية الحرجة، اللي طوبة ورا طوبة بتبني أفكار بناءة لإن الأفكار السامة متصدعة وآيلة للسقوط ومسيرها للزوال عاجلا أو آجلا.".

كل التحية لكل صانع دراما مش بس عايز عايز يمتع الناس، لكن بيجتهد في كسر الأنماط وتقديم نماذج مغايرة.

الملفت السنة ديه، هو كذا عمل استعرضوا الذكورية السامة، أو الأحلى قدموا تعاريف مغايرة للذكورة، راجل مش مكسوف يعيط، راجل متصل مع مشاعره، راجل بيتنازل من أجل الحفاظ على أسرته، راجل…

— Amr Salama (@amrmsalama) April 5, 2023