أشهر قصائد مساعد الرشيدي مكتوبة

  • تاريخ النشر: الخميس، 18 نوفمبر 2021
أشهر قصائد مساعد الرشيدي مكتوبة
مقالات ذات صلة
أبيات شعرية عن الخيانة: أشهر القصائد مكتوبة وقصيرة
قصائد سعد بن جدلان مكتوبة
أبيات وقصائد شعرية عن الخال مكتوبة

يعتبر الشاعر مساعد الرشيدي، من أشهر الشعراء في المملكة العربية السعودية، حيث قدم الكثير من القصائد وأبيات الشعر خلال مسيرته، في السطور القادمة مجموعة من أبرز قصائد مساعد الرشيدي.

قصيدة  مساعد الرشيدي كلك غلا

كلك تعالي غلا والا أرجعي كلك
بعض الغلا منك مايستاهل الجيه
طالت وانا في رجا ليتك وياعلك
اوراق بالذاكره واوراق منسيه
مابل ثوبك مطر شوقي ولابلك
لوعلتك من سحاب الروح وسميه
ليه امشي الدرب دامه مايوصلك
تخاف رمضا الضياع اقدام رجليه
يابنت تو الهوى ماصرت انا خلك
للحين مازالت الصوره رماديه
ومازال بعض الغموض الشره يحتلك
وشلون انا اعشقك واحبك على النيه
اشوفك هناك قدامي ولا ادلك
صعب الكتابه لاصار الورق ميه
ان كان شمسك تساومني على ضلك
ماعاد ابي منك لاشمس ولافيه
إما تعالي لقلب فز لك كلك
والا اتركيني ما ابي لك بالهوى جيه

قصيدة مساعد الرشيدي يا صباح الندى

قم يا صباح الندى والعشب...
قم ولع الجمر من جمري...
وادلق جديلك وصبه صب...

وبراحتك يابعد عمري...
وابراحتك يارقيق وعذب...

وبراحته شاعرك الخمري...
من يوم عذب النسايم هب...

ماعاد لي شي من امري...
خلك بقلبي فداك القلب...

من وين ماتسري وتمري...
كل الحقايق بدونك كذب...

ياباشاة البيض والسمري...
الله يااني احبك حب...
حب اخضر الغصن للقمري..

قصيدة مساعد الرشيدي  وش أخرها

يلعب علـى قلبـي لعـوب
مدري وش أخرهـا معـاه
لاهـو مخليـنـا نـتـوب
ولاهـو منسينـا غــلاه
عفري كسب فينا الذنـوب
الله يبيحـه مـن خـطاه
نجدي ومربـاه الجنـوب
يا ويل امـه منـه ولاأأأه
فجر (ن) مقاصر له غروب
وليل (ن) كساه متنه وراه

قصيدة  مساعد الرشيدي الطريق المهجور

تخوفني مشاوير الطريق المظلم المهجور
واليامني ذكرتك قلت طولي يامشاويري
عزاي انك رجاي العذب لو كل الدروب عثور
وصلت أو ما وصلت أعرفك ما انته منتظر غيري
حبيبي .. وكل الله لا تحسب إني بليد شعور
لو أنت المستحيل الصعب .. ما ابدي لك معاذيري
احبك .. رغم تجريح الليال لقلبي المقهور
أشوف الجرح يكبر وأنت تكبر وسط تفكيري
احبك .. لو يموت الحب وتصير القلوب قبور
احبك كلمة لو حرموها .. حل تفكيري
احبك من هنا حتى طلوع الفجر .. حد النور
صحيح انك قدر محتوم بس أجمل مقاديري
بعذر اللي يحبك لو يصير الشاعر المشهور
لأنك تنهمر حلو القصيدة في تعابيري
احد ربي يحطك له حبيب .. ومايجيه غرور ؟
وأنا مهما بغيت استوعبك ياقل تقديري
هلا بك من قدمك … لغرتك لي شعرك المنثور
هلا في كل شيٍ فيك وأنت اغلي مساييري
أثر صدق الغلا يجبر حطام الخاطر المكسور
وأنا مهما منحتك من غلاي اشعر بتقصيري
ولو طالت مشاوير الطريق المظلم المهجور
أنا لامن ذكرتك قلت .. احبك يامشاويري