أول تعليق من تامر حسني بعد حديث أحمد آدم عنه
رد الفنان المصري تامر حسني على ما قام به الفنان أحمد آدم، في حلقة برنامجه بني آدم شو، على شاشة قناة الحياة والذي كشف أن التريند الذي سينتشر هو الكلام السلبي وليس الإيجابي.
وقال حسني في رسالة عبر موقع الصور الشهير انستغرام: "استاذ احمد آدم فعلاً بيدي درس حقيقي بيشرح فيه سمات العصر الحالي اللي كلمة تريند فيه جننت عقول بعض الناس و خليتهم يبيعوا مبادئهم و صداقتهم و امانتهم لمجرد ان الناس تعرفهم او تتكلم عليهم و لو ليوم واحد و نسيوا انه لا يصح الا الصحيح عشان ده عدل ربنا …".
وتابع قائلاً: " اي افاقين مع الوقت هتلاقيهم بيختفوا و المحترم الحقيقي هو اللي بيستمر اصل لما نهتم و نرد على كل كداب امال اللي بيحبونا نعمل معاهم ايه !!!!؟ تابعوا قلوب الناس و المواقع اللي هتاخد كلام الاستاذ احمد السلبي و ينشروه😀 و علموا عليهم عشان تعرفوا حقيقتهم … و الحقيقه ان فعلاً الكلام السلبي هو اللي انتشر 🤣،، شكراً استاذ احمد آدم لكلامك و اشادتك الحقيقيه في حقي هي شهاده عظيمه من فنان محترم و كبير بفنه و اخلاقه ❤️".
ومن التعليقات: "للأسف حقيقة مؤلمة .. وللأسف كتروا أوي المؤذيين مفيش ضمير ولا احساس .. ما يدوروا على الحقيقة لأ يتكلموا وخلاص ومايفرقش معاهم احاسيس الناس".
كان الفنان المصري أحمد آدم، أوضح كيف يتم خلق التريند على السوشيال ميديا و قام بتطبيق ذلك على الفنان والمطرب تامر حسني، في أول حلقاته آدم شو على شاشة قناة الحياة المصرية.
بدأ آدم هجومه على حسني وعلى كلمات بعض من أغانيه التي قدمها في بدايته الفنية، وقال: "حسني مين، مش واخد بالي، مش كفاية عليه كده بقى، ولا أيه مش عارف، خلاص بقى يعني، هم شويتين وخلصوا، أول ما طلع فتح القميص، وشوية أغاني كلامها ركيك، يعني إيه أكتر حاجة بحبها فيكي هي دي، طيبة قلبك".