أجمل كلمات أغاني عفاف راضي مكتوبة كاملة

كلمات أغاني عفاف راضي سواء الرومانسية منها أو أغانيها للأطفال، هي من أكثر الأغاني المميزة بسبب كلماتها الرائعة وصوت عفاف راضي الحنون والناعم، كما شاركت عفاف راضي في بعض الأفلام بالتمثيل والغناء، في هذا المقال نستعرض أهم وأجمل كلمات أغاني عفاف راضي مكتوبة كاملة.

كلمات أغاني عفاف راضي

إليك أجمل كلمات أغاني عفاف راضي مكتوبة في السطور التالية:

كلمات أغنية زمانك راح

زمانك راح معدش في صحبتك أفراح، زمانك راح معدش في صحبتك أفراح
بقولها لك وأنا بندم وبتألم وكلي جراح، بقولها لك وأنا بندم وبتألم وكلي جراح
زمانك راح، زمانك حلم ضاع مني وأنا برسم لبكرة طريق
كأنك كنت يوم مني وإحساسك كأنه بريء
زمانك حلم ضاع مني وأنا برسم لبكرة طريق
كأنك كنت يوم مني وإحساسك كأنه بريء
يا ريت ما خدعني إحساسك وعشت في وهم إخلاصك
يا ريت ما خدعني إحساسك وعشت في وهم إخلاصك
ولا قلبي بعشقك باح زمانك راح

زمانك راح معدش في صحبتك أفراح، زمانك راح معدش في صحبتك أفراح
بقولها لك وأنا بندم وبتألم وكلي جراح، بقولها لك وأنا بندم وبتألم وكلي جراح
زمانك راح، زمانك كان أمل بكرة وحلم في عيني عمره ما غاب
وليه نقتل صباح ذكرى وضاع العمر في أمل كذاب
زمانك كان أمل بكرة وحلم في عيني عمره ما غاب
وليه نقتل صباح ذكرى وضاع العمر في أمل كذاب
يا ريت ما خدعني إحساسك وعشت في وهم إخلاصك
يا ريت ما خدعني إحساسك وعشت في وهم إخلاصك
ولا قلبي بعشقك باح زمانك راح

زمانك راح معدش في صحبتك أفراح، زمانك راح معدش في صحبتك أفراح
بقولها لك وأنا بندم وبتألم وكلي جراح، بقولها لك وأنا بندم وبتألم وكلي جراح
زمانك راح

كلمات أغنية أنا ملك أمرك

أنا ملك أمرك أنا كلي لك والأمر أمرك تأمر عينيك
أنا ملك أمرك، أمرك، أنا كلي لك، كلي لك
والأمر أمرك، أمرك، تأمر عينيك
خذ حبي كله خذ قلبي كله
خذ عمري كله، كله لو كذا يرضيك
أنا ملك أمرك أنا كلي لك، والأمر أمرك، تأمر عينيك

يا مالك عيوني يا مالك حياتي، بحبك وبسهر عشانك ليلاتي
يا مالك عيوني يا مالك حياتي، بحبك وبسهر عشانك ليلاتي
شاور لي تلاقيني عاهدتك سنيني، شاور لي تلاقيني عاهدتك سنيني
وشوقي وحنيني وعمري اللي قدي، خذ حبي كله خذ قلبي كله
خذ عمري كله، كله لو كذا يرضيك، أنا ملك أمرك، أنا كلي لك
والأمر أمرك تأمر عينيك

قابلتك هويتك وقلبك نداني ويرف عمري مفيش حد ثاني
قابلتك هويتك وقلبك نداني ويرف عمري مفيش حد ثاني
وجودك معايا ده أجمل بداية، وجودك معايا ده أجمل بداية
يا أول حكاية كتبها زماني، خذ حبي كله خذ قلبي كله
خذ عمري كله، كله لو كذا يرضيك
أنا ملك أمرك أنا كلي لك والأمر أمرك تأمر عينيك

كلمات أغنية ابعد يا حب

ابعد يا حب أبعد بقولك لأ ولا عمري هغلط يوم وأقولك آه
لا أنا أد دمعة عين في ليلة فُرقة ولا أد رمشك و المخبي وراه
مهما تواعدني هقولك بكرة و يجي بكرة أقولك بكرة
يعني النهاردة بقولك لا وبكرة مش راح أقولك آه
ابعد يا حب بلاش تحايل فيا، لياليا حلوة مرة أهي ليالي
هي صحيح مالهاش لا لون ولا معنى ولا حاجة تسعدنا ولا تنفعنا
لكن دي راحة البال كفاية عليا وهي راحة البال يا عيني شوية
مهما تواعدني هقولك بكرة، ويجي بكرة أقولك بكرة
يعني النهاردة بقولك لا وبكرة مش راح أقولك آه
ابعد يا حب بلاش تفوت ناحيتنا وإن فوت ما تبصش لبلكونتنا
لأرمي عليك رمشي يجيبك صاحي، ويسهرك زي النجوم صباحي
لا تطول سما ولا أرض في محبتنا ولا ينفتح لك حتى شباك بيتنا
مهما تواعدني هقولك بكرة ويجي بكرة أقولك بكرة
يعني النهاردة بقولك لا وبكرة مش راح أقولك آه
ابعد وخبي عنيك طاوعني، لأحبك وبلاش تقيد النار
لا تحرق قلبك قلبي عليك، خايفة عليك صدقني
لتغرق أنت قبل ما تغرقني، مهما تواعدني هقولك بكرة
ويجي بكرة أقولك بكرة، يعني النهاردة بقولك لا
وبكرة يمكن أقولك آه

كلمات أغاني عفاف راضي للأطفال

إليك أجمل كلمات أغاني عفاف راضي للأطفال مكتوبة كاملة:

كلمات أغنية سوسة

سوسه، سوسه، سوسه، سوسه كف عروسة
سوسه واللي يسقف، يستاهل منى بوسة، يستاهل منى بوسة
سوسه خبط، خبط، طبطب يا أبو كف مبطبط
ولا تغلب ولا تتلخبط، ده مفيش أسهل من سوسة
سقف خلى الضحكة ترف وارقص لي ولف ولفلف

على تسقيفه ننوسة، على تسقيفه ننوسة
زقزق، زقزق بكفوفك، بكفوفك دشدش خوفك
نفسي تكبر لي وأشوفك، ماسك فيها الشموسة
بكفوفك زقزق، زقزق، عصفورة قلبي تزقزق
يسلم لي كفه محندق وضوافرينه فسفوفسه
وضوافرينه فسفوسه
سقف لي وعلى تسقيفك، تمشى الدنيا على كيفك
بابا هنا في أودتك ضيفك، قوم هات له بسبوسة

بحنان قلبي لفلفتك، يا سلام لم على تسقيفتك
نونو قوى إنما محسوسة، نونو قوى إنما محسوسة

كلمات أغنية يالا بينا يالا

يالا بينا يالا، يالا بينا يالا، يالا، يالا، يالا بينا دي الشموسه طاله، طاله وبتنده علينا
حانروح الجنينة ونشبك إيدينا وندور سوى على الأرض الخضرا والأرض تدور بينا
ياسمانا يا بنور العصفور بيدور واحنا كمان بندور ونغنى يا ليمونه دوخينا
يالا بينا يا لا، يا لا، يا لا، يالا بينا دي الشموسه طاله، طاله وبتنده علينا
يالا يا سماره حا نطير طيارة سيب لها الدوبارة تعلى وتغيب عن عنينا
طيارتنا تطير في النسمة الحرير واحنا كمان بنطير وياها والسما بتنادينا
يالا بينا، يا لا، يا لا، يا لا، يالا بينا دي الشموسه طاله، طاله وبتنده علينا
علشان أنت هادي أنا حا أخذك للنادي، ننزل حمام السباحة ونعوم زي السفينة
وحا نركب مراجيح وتعلي في قلب الريح والله ياروحى اركب ما تخافش دي الحبال متينة
يالا بينا يا لا، يا لا، يا لا، يالا بينا دي الشموسه طاله، طاله وبتنده علينا
شموسه المغارب بتبوس القوارب والنيل الجميل نادانا يا موجه خدينا
يا هوى ياطايردواير دواير بوس خدودنا ولف بينا الدنيا وغنى بينا
يالا بينا يا لا، يا لا، يا لا، يالا بينا دي الشموسه طاله وبتنده علينا