;

كلمات أغاني محمد محيي مكتوبة كاملة

  • تاريخ النشر: الثلاثاء، 02 أغسطس 2022
كلمات أغاني محمد محيي مكتوبة كاملة

كلمات أغاني محمد محيي الحزينة كانت الأشهر في لونه الغنائي، محمد محي هو مغني مصري بدأ مشواره الفني في عام 1990 بدعم من الملحن حميد الشاعري وقدم العديد من الألبومات الغنائية، منها مظلوم وصورة ودمعة وغيرها من الأغاني الجميلة، في هذا المقال، نستعرض أجمل وأشهر كلمات أغاني محمد محيي مكتوبة كاملة.

كلمات أغاني محمد محيي

كلمات أغنية اتخنقت محمد محيي

إتخنقت وطلعت كنت بضيع وقت
كان حلمي وهمي وأنا صدقت، للأسف صدقت
اتخنقت كان حلمي بيموتنى ببطء
خلاني فقدت النطق وأحبطت واتخبطت
أنا موصلتش لحاجة من اللي حلمت بها
سوء اختيار ده ولا ساذجة ولا إيه
أنا موصلتش لحاجة من اللي حلمت بها
سوء اختيار ده ولا ساذجة ولا إيه
رجعت للصفر من ما كان ما بدأت
سكك فيها ناس كتيرة والحلم ما اختلفش
في واحد شاف حقيقته وفي واحد ما شافش
رجعت للصفر من ما كان ما بدأت

كلمات أغنية حبينا جرحونا

حبينا، حبينا، حبينا وقاسينا ودارينا ما نسينا
راحو حبابيي يا عين راحوا، راحوا وفاتونا يا عين

حبينا جرحونا، قربنا غربونا، حبينا جرحونا، قربنا غربونا
وقالوا لنا كلام كثير يا عيني ع العشرة وع السنين
وخذونا لفوق كثير يا عيني رجعنا مجروحين
وقالوا لنا كلام كثير يا عيني ع العشرة ع السنين، يا عيني
وخذونا لفوق كثير يا عيني رجعنا مجروحين
حبينا، حبينا، حبينا جرحونا، آه، آه
في عيوننا كان ليهم مكان وادينا يا من قلبنا وادينا يا من قلبنا
في عيوننا كان ليهم مكان وادينا يا من قلبنا وادينا يا من قلبنا
ليه هونا ليه والحب هان ليه خانوا عشنا وملحنا
ليه هونا ليه والحب هان ليه خانوا عشنا وملحنا، ليه خانوا عشنا وملحنا

والعين لو جت في العين يا عين يداروا بعيد يا عين
ليه كنا وروحنا فين يا عين وادي آخرة الحنين
والعين لو جت في العين يا عين يداروا بعيد يا عين، يا عين
ليه كنا وروحنا فين يا عين وادي آخرة الحنين
حبينا، حبينا، حبينا جرحونا، آه، آه
كان وكنا وكان زمان كان الهنا هنا وسطنا،كان الهنا، هنا وسطنا
آه ده كان وكنا وكان زمان كان الهنا هنا وسطنا، كان الهنا، هنا وسطنا
طلع الهوى جرح وهوان والحب مش من بختنا
طلع الهوى جرح وهوان والحب مش من بختنا والحب مش من بختنا

كانوا بينا من يومين يا عين وأهو نسيوا من يومين
سألونا نبقي مين يا عين قلنا إحنا المجروحين
كانوا بينا من يومين يا عين وأهو نسيوا من يومين يا عين
سألونا نبقي مين يا عين قلنا إحنا المجروحين
حبينا، حبينا، حبينا جرحونا

حبينا جرحونا، قربنا غربونا، حبينا جرحونا، قربنا غربونا
وقالوا لنا كلام كثير يا عيني ع العشرة ع السنين
وخذونا لفوق كثير يا عيني رجعنا مجروحين
وقالوا لنا كلام كثير يا عيني ع العشرة ع السنين يا عيني
وخذونا لفوق كثير يا عيني رجعنا مجروحين
حبينا، حبينا، حبينا جرحونا

كلمات أغاني محمد محيي مكتوبة

كلمات أغنية بتغيب عليا

يا اللي بتغيب عليا لو تعرف إيه اللي بيا
لو تبعد يوم ولا راحة ولا نوم بعدك بتشوفها عيني

والليالي الحلوة من أيام ما راحوا
قلبي عايش بين آهاتي وانشغالي
لو رضيت إنك تسيب قلبي في جراحه
قلبي يرضى وبرضه مستنيك يا غالي
برضه مستنيك يا غالي

يا اللي بتغيب عليا لو تعرف إيه اللي بيا
لو تبعد يوم ولا راحة ولا نوم بعدك بتشوفها عنيا

يا حبيب العمر محتاجلك تعالى
قلبي بعدك يا حبيبي حالته حالة
وأنت مهما بعدت عني جوه مني
رجع الأيام لا للبعد لا، لا

والليالي الحلوة من أيام ما راحوا
قلبي عايش بين آهاتي وانشغالي
لو رضيت إنك تسيب قلبي في جراحه
قلبي يرضى وبرضه مستنيك يا غالي
برضه مستنيك يا غالي

يا اللي بتغيب عليا، لو تعرف إيه اللي بيا
لو تبعد يوم ولا راحة ولا نوم بعدك بتشوفها عنيا

كلمات أغنية الصبر جميل

الصبر جميل والهوى ميال
الصبر جميل يا عين والهوى ميال
ومصيره يميل الناحية دي، إيه
الصبر جميل والهوى ميال
الصبر جميل يا عين والهوى ميال
ومصيره يميل الناحية دي

يجي يوم يرتاح، مشغول البال
وتنام العين الصاحية دي

الصبر جميل والهوى ميال
الصبر جميل والهوى ميال
الصبر جميل يا عين والهوى ميال

الصبر جميل والهوى ميال
الصبر جميل والهوى ميال
الصبر جميل يا عين والهوى ميال

مكتوب على قلبي وأنا صغير، يعشق ويميل
وحبيبي يكون لسه صغير ورقيق وجميل
مكتوب على قلبي وأنا صغير، يعشق ويميل
وحبيبي يكون لسه صغير ورقيق وجميل

دورت عليك ناس دلوني، خلوني مشيت الناحية دي
الله يجازيهم ظلوني كان مالي ومال السكة دي
دورت عليك ناس دلوني، خلوني مشيت الناحية دي
الله يجازيهم ظلوني كان مالي ومال السكة دي

والصبر جميل والهوى ميال
الصبر جميل والهوى ميال
الصبر جميل يا عين والهوى ميال

الصبر جميل، آه والهوى ميال
الصبر جميل والهوى ميال
الصبر جميل يا عين والهوى ميال

مش كنت زمان وانت معانا بتقول وتعيد
عن جنة حب مواعدانا فين المواعيد
مش كنت زمان وانت معانا بتقول وتعيد
عن جنة حب مواعدانا فين المواعيد

بقى يعني خلاص إحنا رخصنا
والعشرة تهون للدرجة دي
بكرة اللي شبكنا يخلصنا
وتنام العين الصاحية دي
بقى يعني خلاص إحنا رخصنا
والعشرة تهون للدرجة دي
بكرة اللي شبكنا يخلصنا
وتنام العين الصاحية دي

والصبر جميل والهوى ميال
الصبر جميل والهوى ميال
الصبر جميل يا عين والهوى ميال

الصبر جميل والهوى ميال
الصبر جميل والهوى ميال
ومصيره يميل الناحية دي والصبر جميل

أجمل كلمات أغاني محمد محيي

كلمات أغنية أعاتبك

أعاتبك علي إيه ولا إيه ولا إيه
أعاتبك علي إيه ولا إيه ولا إيه
ع الويل ولا الجراح ولا عمري اللي راح
ولا على نن عيني اللي انت قسيت عليه
ليلي يا أبو الليالي يا ليلي، يا ليلي، يا ليل
عيني يا أبو السهارى يا عيني يا عيني يا عين
أعاتبك ع اللي ضاع يا أبو قلب باعني للهوا
أعاتبك ولا اخبي جرح قلبي اللي انكوى
أعاتبك ع السنين ولا الشوق والحنين
أعاتبك ع السنين ولا هوانا الحزين
حبيبي خلاص، خلاص يا قمر الحب أمر وبعدنا بعيد
أي عتاب هياخدنا معاه من جرح وآه على جرح جديد
أعاتبك ليه بقا على الأشواق واللقا
ولا علي نن عيني اللي انتا قسيت عليه
أعاتبك ع الوداع ولا الخداع ولا القسا
أعاتبك ع الآلام ولا الغرام اللي اتنسى
ولا ليالي العذاب ولا القلب اللي داب
حبيبي خلاص، خلاص يا قمر الحب أمر وبعدنا بعيد
أي عتاب هياخدنا معاه من جرح وآه على جرح جديد
أعاتبك علي إيه ولا إيه ولا إيه
أعاتبك علي إيه ولا إيه ولا إيه
ع الويل ولا الجراح ولا عمري اللي راح
ولا على نن عيني اللي انت قسيت عليه

كلمات أغنية حاولت

حاولت تعمل حاجة قدرت تعمل إيه
معملتش أي  حاجة وقلبي تضحي به
حاولت تعمل حاجة قدرت تعمل إيه
معملتش أي حاجة وقلبي تضحي به
كان لازم تبقى جنبي لو الأيام عليا
أسهلك تنسى حبي ولا تحافظ عليه
وكان لازم تبقى جنبي لو الأيام عليا
أسهلك تنسى حبي ولا تحافظ عليا
بدال ما تقوي قلبي بعدك كمل عليا
ضعيف ولا أنت خاين موقفتش جنبي ليه
موقفتش جنبي ليه

وعدتني وحلفت لي واديك خلاص أثبت لي
بيني وبينك صور على قاصد تعلي في
وعدتني وحلفت لي واديك خلاص أثبت لي
بيني وبينك صور على قاصد تعلي في
قلبي اللي نارك حسرته اختار بايده كسرته
قلبي اللي نارك حسرته اختار بايده كسرته
ده الحلم كان بيشدني بنيته لكن هدني
ده الحلم كان بيشدني بنيته لكن هدني
بدال ما تقوي قلبي بعدك كمل عليا
ضعيف ولا أنت خايف موقفتش جنبي ليه
موقفتش جنبي ليه
حاولت تعمل حاجة قدرت تعمل إيه
معملتش أي حاجة وقلبي تضحي بي
كان لازم تبقى جنبي لو الأيام عليا
أسهلك تنسى حبي ولا تحافظ عليا
كان لازم تبقى جنبي لو الأيام عليا
زسهلك تنسى حبي ولا تحافظ عليا
بدال ما تقوي قلبي بعدك كمل عليا
ضعيف ولا أنت خايف موقفتش جنبي ليه
موقفتش جنبي ليه، حاولت تعمل حاجة