لقاء الخميسي توجه رسالة عنيفة للصحافة
هاجمت الفنانة لقاء الخميسي عدد من الصحافيين والتقارير التي تتعمد اجتزأ جزء من تصريحاتها ومن تصريحات النجوم من أجل التريند.
وفي فيديو بثته عبر حسابها الخاص على موقع الصور الشهير انستغرام، قالت الخميسي: " رسالة للصحفيين اللي بيحبوا يكتبوا الأخبار عشان التريند وناس تدخل يا تكتب الخبر كامل وصح كما قيل يا متكتبوش أحسن".
فيديو ذات صلة
This browser does not support the video element.
وأكملت حديثها للجمهور ولبعض المستخدمين الذين يوجهون رسائل لاذعة للنجوم، قائلة: "رجاء من كل الناس اللي بتابع السوشيال ميديا اللي بيحب حد يدخل عنده ويقول كلمتين حلوين أو ليصمت ممكن نختلف في الآراء لكن نتعلم إزاي نحترم الاختلاف".
وأضافت: "يا جماعة الممثل بني آدم عنده نفس التفاصيل اللي بتمر بيها عنده مشاكل إحنا بنظهر بس الجانب المشرق إحنا موجودين عشان نفرحكم ونقدملكم حاجة تغير مودكم".
ومن التعليقات" عندك حق بس انتو مش بتشتغلو عشان تبسطونا انتو بتاخدو ملايين عشان تعملو كدا والا انتو مش مضطرين تتعرضو للتعليقات السلبية دي كلها بدون مقابل".
ولكن دعمتها الفنانة بشرى عبر خاصية انستا ستوري، على موقع الصور انستغرام، وقالت بشرى في رسالتها: " صح يا لقاء كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر، يعني بنمر بنفس اللي أي مواطن بيمر بيه من أزمات محناش كائنات كرتونية، الفنان نبض المجتمع مش الحيطة المايلة بتاعة المجتمع، الفنان الحقيقي طبعاً مش المدعي، ومش أي مشهور يستحق لقب فنان"
مؤخراً شاركت لقاء الخميسي في مسلسل "إجازة مفتوحة" من تأليف أحمد محمود أبو زيد وإخراج محمد عبد الرحمن حماقي، بطولة شريف منير، سميحة أيوب، هشام إسماعيل، مراد مكرم، سامي مغاوري، دنيا ماهر، ملك قورة، كريم أبو زيد، نور محمود ومؤمن نور.