أجمل كلمات محمد عبدالمطلب مكتوبة
قدم المطرب القدير محمد عبدالمطلب الكثير من الأغاني الخالدة في ذاكرة الجماهير، والتي طالما يبحث عنها وعن كلماتها التي تطرب الجميع.
فيديو ذات صلة
This browser does not support the video element.
كلمات أغاني محمد عبدالمطلب
أغنية اسأل مجرب
إسأل مجرب ولا تسأل طبيب
لو يوم يا قلبي ظلمك حبيب
تعال ادلك وتعال اقول لك
ده كل شي قسمه ونصيب
وعاش الحب وقلبه جريح
وإسأل كل عيون بتحب
ماسابت ليه للشوق تفاريح
قلبي واقول لك تسأل مين
إسأل ناس بين شوق وحنين
ناس تتألم ولا تتكلم
ناس ع الصبر يا عيني صابرين
دول تسألهم تعرف منهم
لو يوم يا قلبي ظلمك حبيب
إسأل قلب حبايبه فاتوه
كانوا شارينه رجعوا باعوه
نسيوا هواهم واستناهم
ولا جم سألوا ولا افتكروه
وإسأل عين سهرانه الليل
طول الليل على سدر الليل
بايته تقاسي منها وأقاسي
ليلها يا عيني غنى ومواويل
دول تسألهم تعرف منهم
لو يوم يا قلبي ظلمك حبيب
إسأل مجرب ولا تسأل طبيب
لو يوم يا قلبي ظلمك حبيب
تعال ادلك وتعال اقول لك
ده كل شي قسمه ونصيب
أغنية اسأل عليا
اسأل مره عليا
اسأل مره عليا قولي قساوتك ليه
انا افديك بعنيه واكتر منهم ايه
اسأل مره عليا .. اسأل عليا مره
ايه اغلى من القلب اللي وهبته اليك
وانت ما تسال فيا قول لي قساوتك ليه
انا افديك بعنيه واكتر منهم ايه
اسأل مره عليا .. اسأل عليا مره
تحكم فيا وتأمر ولا عارف اراضيك
فكر قبل ما تهجر وتبيع قلب شاريك
يمكن ترجع ليا قول لي قساوتك ليه
انا افديك بعنيه واكتر منهم ايه
اسأل مره عليا .. اسأل عليا مره
انت الكلمه الحلوه وعيونك معانيها
وانت جمالك غنوه من قلبي بغنيها
وانت عنيك في عنيه قول لي قساوتك ليه
انا افديك بعنيه واكتر منهم ايه
اسأل مره عليا .. اسأل عليا مره
أجمل أغاني محمد عبدالمطلب
أغنية الورد جميل
الورد جميل
الورد جميل جميل الورد ..
الورد جميل وله اوراق
عليها دليل من الاشواق
اذا اهداه حبيب لحبيب
يكون معناه وصاله قريب
شوف الزهور واتعلم
بين الحبايب تتكلم
شوف واتعلم
والنرجس مال يمين وشمال
على الاغصان بتيه ودلال
عيونه تقول معانا عذول
خلينا بعيد عن العزال
شوف الزهور واتعلم
بين الحابيب تتكلم
شوف واتعلم
شوفوا الياسمين جميل نعسان
حلي له النوم على الاغصان
بكل حنان تضمه الايد
وبه تزدان صدور الغيد
شوف الزهور واتعلم
بين الحابيب تتكلم
شوف واتعلم
يا فل يا روح يا روح الروح
من شم هواك عمره ما ينساك
لكل حبيب تقول بلغاك
حبيب مشتاق و بيستناك
شوف الزهور واتعلم
بين الحابيب تتكلم
شوف واتعلم
أغنية داري على شمعتك
داري على شمعتك
داري على شمعتك .. اما الهوى غدار
واصبر على قسمتك .. وابعد عن الأفكار
راح تشكي لمين .. داري
والناس قاسيين .. داري
ده لو داريت ع الشمع يقيد .. ويوم في يوم الفرح يزيد
اللي انكتبلك مهما يكون .. حيجي يوم وتشوفو عنيك
ان كان الم بالصبر يهون .. وان كان فرح حيمر عليك
راح تشكي لمين .. داري
والناس قاسيين .. داري
ده لو داريت ع الشمع يقيد .. ويوم في يوم الفرح يزيد
داري على شمعتك .. داري .. داري
الصبر مهما .. مهما تطول لياليه .. بلاش تبوح بأساك للناس
قلبك مصيره ينول امانيه .. وتذوق حلاوة الصبر في كاس
وفي عز هناك .. داري
ح تلاقي هناك .. داري
ده لو داريت ع الشمع يقيد .. ويوم في يوم الفرح يزيد
داري على شمعتك .. داري .. داري
أغنية ساكن في حي السيدة
ساكن في حي السيدة
ساكن في حي السيدة.. وحبيبي ساكن في الحسين
وعلشان أنول كل الرضا.. يوماتي أروحلو مرتين
علشان حبيبي زي الغزال.. يوماتي أهجر حيّنا
وكل واحد عني قال عني.. عاشق وقلبو مش هنا
وأنا قلبي متحير ما بين.. السيدة وسيدنا الحسين
أفوت على بيت الحبيب.. أقول جريح يا أهل الهوى
وياريت يكون لي معاد.. والحب يجمعنا سوى
والفرحة تبقى فرحتين.. من السيدة لسيدنا الحسين
أغنية ياحاسدين الناس
يا حاسدين الناس
يا حاسدين الناس
مالكم ومال الناس
ده كل قلب ف ألم
ولكل واحد كاس
يا مفرقين حبيبين فرقتوا ليه بينهم
يكفينا شر العين
واحرسنا منهم
معرفش ليه الناس
شربم سوى من كاس
ده كل قلب ف ألم
ولكل واحد كاس
يا حاسدين والعين قاسيه في نظرتها
يا مشتتين شملين زودتوا قسوتها
البخت نلقاه فين
وندوق حلاوتها
أغنية ياليلة بيضاء
يا ليله بيضا
اول ماشفتك عشقتك قبل مااتكلم
ناسي قلبي نده لي وقال لي ماتسلم
خفت اسلم تفوتني وقلبي يتألم
ان لقيتك نازل لقيتك برمش العين بتغمزلي
فرح فؤادي وقال لي ياسلام سلم
والطير معانا بيغني .. والدنيا ضحكت ويانا
ياحبايب هللوا .. ياعوازل شعللوا
وانكادوا وفلفلوا .. وانكادوا وفلفلوا
دي ليله بيضا بيضا .. والنبي بيضا بيضا
ساعة ماهليتي علينا .. فرحت قلوبنا وغنينا
يا اغلى من نن عينينا .. يا اغلى من نن عينينا
الليله حنحني ايدينا ..
ياحبايب هللوا .. ياعوازل شعللوا
وانكادوا وفلفلوا .. وانكادوا وفلفلوا
دي ليله بيضا بيضا .. والنبي بيضا بيضا
أغنية رمضان جانا
رمضان جانا وفرحنا به، بعد غيابه وبقاله زمان
غنوا وقولوا شهر بطوله، غنوا وقولوا أهلا رمضان
رمضان جانا أهلا رمضان، قولوا معانا أهلا رمضان
بتغيب علينا وتهجرنا وقلوبنا معاك
وفي السنة مرة تزورنا وبنستناك
من امتى واحنا بنحسبلك ونوضبلك ونرتبلك
رمضان جانا أهلا رمضان، قولوا معانا أهلا رمضان
يوم رؤيتك لما تجينا زي العرسان
نفرح وننصب لك زينة أشكال والوان
في الدخلة نبقى نطبلّك ونهلل لك آه ونقولك
أهلا رمضان جانا قولوا معانا أهلا رمضان
رمضان جانا أهلا رمضان، قولوا معانا أهلا رمضان
يا مسحراتي دقّلنا تحت الشباك
سمعنا وافضل غنيلنا للفجر معاك
واعمل ليلاتي هوليلة تلاتين ليلة حلوة جميلة
أهلا رمضان جانا قولوا معانا أهلا رمضان
رمضان جانا أهلا رمضان، قولوا معانا أهلا رمضان
رمضان جانا وفرحنا به، بعد غيابه وبقاله زمان
غنوا وقولوا شهر بطوله، غنوا وقولوا أهلا رمضان
رمضان جانا أهلا رمضان، قولوا معانا أهلا رمضان