;

أغرب القوانين حول العالم.. هذه الدولة ممنوع بها مضغ العلكة

  • NogoumFMبواسطة: NogoumFM تاريخ النشر: الأربعاء، 05 يونيو 2019 آخر تحديث: السبت، 08 يونيو 2019
أغرب القوانين حول العالم.. هذه الدولة ممنوع بها مضغ العلكة

يوجد حول العالم العديد من الثقافات والعادات المختلفة التي تبدو للآخرين على أنها غاية الغرابة، وكذلك أيضًا يوجد عدد من القوانين التي قد تبدو غير مبررة، إلا أن أحداث وأمور تسببت في وضعها.

وقالت مريم أمين، عبر برنامج “متستغربش”، يوم الاثنين، على نجوم إف إم: “ماتستغربش إن مدينة لونجيربين في النرويج تمنع سكانها إنهم يموتوا بها ويتدفنوا تحت أرضها.. هذا القانون صدر لأن البلد عدد سكانها لا يتخطى الـ2000 شخص، ودرجة حرارتها منخفضة جدا جدا، لدرجة إن العلماء فيها لما خرّجوا جثامين لناس ماتت عام 1918 لقوا إن فيه فيروسات ما زالت عايشة في هذه الجثامين، وهذا خوفهم جدا من انتشار الأمراض والأوبئة، فأصدرت الحكومة قانون بعدم موت أي شخص ودفنه في لونجيربين، وأي حد بيقضي أيامه الأخيره يروح أي مدينة أخرى في النرويج ويموت ويدفن هناك”.

الزائدة الدودية

وأضافت: “ماتستغربش لما تعرف إن في بلد تضع قانون يشترط إنك تُجري عملية جراحية قبل ما تدخلها.. ده اللى بيحصل في (فيللاس لاس إستريللاس) في جمهورية تشيلي، بيشترطوا على أهلها يروحوا يعملوا عملية الزائدة الدودية قبل ما يعيشوا فيها، هذه البلدة دي بلد نائية جدا ومفيش فيها مستشفيات مجهزة بغرف عمليات، ولأن الزائدة ممكن تفاجئك وتبقى محتاج تعملها فورا، فهذا غير متاح لبٌعد المسافة فاشترطوا على كل سكانها حتى الأطفال إنهم يعملوا العملية دي قبل ما يعيشوا في فيللاس، مش بس الأطفال، هذا القانون ينطبق على السياح يعني لو حضرتك حابب تروح هناك تستمتع بالطبيعة الخلابة، لازم تعمل العملية ويبقى معاك ما يثبت إنك عاملها قبل ما تدخل البلد”.

أغرب القوانين حول العالم.. هذه الدولة ممنوع بها مضغ العلكة

مضغ اللبنان

وتابعت: “يمكن ده هيخليك ماتستغربش لما تعرف إن سنغافورة أصدرت قانون في 2004 بيمنع استيراد أو صناعة أو حتى مضغ اللبنان في الشوارع، وإلا هتدفع غرامة مالية فورية تعادل 500 دولار، وطبعا وهما بيسنوا هذا القانون كان السبب اللي وضحوه للشعب إنهم حريصين على الحفاظ على نظافة الشوارع والأماكن العامة”.

وأردفت: “لو إنت عضو برلمان في إنجلترا ، فستعيش طول الوقت متوتر وخايف.. ماتستغربش إن إنجلترا سنوا قانون بعدم موت أعضاء البرلمان داخل البرلمان، والسبب في كده إنهم بيعتبروا البرلمان منشأ ملكي، وبالتالي لو حضرتك لا قدر الله توفيت في البرلمان هتضطرهم يعملوا لك جنازة ملكية وده مينفعش يحصل لحد من خارج العائلة المالكة”.

وأشارت: “غيير لمبة في أستراليا سيكلفك دفع غرامة قدرها 10 دولار، إلا لو كنت كهربائي معتمد، دي الحالة الوحيدة اللي هتخليك تفلت من عقوبة القانون اللى سنته ولاية فيكتوريا بأستراليا، لكن الدنمارك فاكتفت بقانون بيمنع الأباء من تسمية أطفالهم بأي اسم خارج قائمة فيها 7000 اسم فقط تتيحها الحكومة ولو فكرت تسمى اسم مختلف فده هيحتاج الموافقة من الحكومة الأول”.

ممنوع الغناء

وأردفت: “ماتستغربش لما أقول لك إنك ممنوع تغني أو تتكلم بصوت عالي، في بتروليافي أونتاريو، لأن في قانون بيمنع الغناء أو الصريخ أو الصفير عشان ماتزعجش حد، لكن ألمانيا وجدوا إن الإزعاج مش مشكلة قد ما إن عربيتك ممكن تعطل بيك مشكلة أكبر، هما هناك لو لقوا عربيتك خلص منها البنزين أو الغاز على الطريق السريع مش بيساعدوك لكن بيدفعوك غرامة فورية علشان تتأكد إنك مفول العربية قبل ما تمشى على طريق سريع”.

البناطيل الزهرية

وأوضحت: “ماتستغربش لما تعرف إن ممنوع لبس البناطيل زهرية اللون بعد الساعة 12 ظهرا يوم الأحد في أستراليا، ولا تستغرب لما أقول لك إن ولاية كيرالاجرى في الهند أصدرت قانون بعمل ضريبة على نسبة الدهون في الأكل بحيث لا تزيد عن 14.5% في الهامبورجر أو البيتزا، أما لو غسلت حمامك بعد الساعة 10 في سويسرا هتعتبر مخالف للقانون، ماتستغربش كمان أما تعرف إن سواقة عربية ليست نظيفة ومش مغسولة شيء غير قانونى في روسيا، ومن المخالف للقانون فى اسكتلندا إن شخص يخبط على بابك عشان محتاج يستخدم حمامك وأنت لا تفتح له هذا يعطيه الحق لكي يقاضيك”.

أغرب القوانين حول العالم.. هذه الدولة ممنوع بها مضغ العلكة

التدوينة أغرب القوانين حول العالم: ممنوع “مضغ اللبان” في سنغافوة.. وغرامة تغيير اللمبة في ألمانيا ظهرت أولاً على نجوم إف إم.