كلمات أغاني كايروكي: 9 من أشهر أغانيهم مكتوبة

  • تاريخ النشر: الأربعاء، 27 أكتوبر 2021
كلمات أغاني كايروكي: 9 من أشهر أغانيهم مكتوبة
مقالات ذات صلة
كلمات أغاني بلقيس.. 7 من أشهر أغانيها مكتوبة
كلمات أشهر أغاني أم كلثوم مكتوبة
كلمات أغاني ماجد المهندس: 7 من أشهر أغانيه مكتوبة

كايروكي هي فرقة غنائية روك مصرية، مؤلفة من خمسة أفراد هم أمير عيد وشريف هواري وتامر هاشم آودم الألفي وشريف مصطفى، إليك كلمات أغاني كايروكي مكتوبة كاملة.

كلمات أغاني كايروكي

جمعنا لك كلمات عشرة من أجمل وأشهر أغاني فرقة كايروكي الغنائية: أغنية كان لك معايا ومربوط بأستك وساموراي وغيرها من الأغاني مكتوبة كاملة.

كلمات أغنية كان لك معايا

أصوات كثيرة حلوة لكن دماغ مفيش
بيغنوا ويطربوا لكن معاني متلقيش
نجوم بعيد عنك بتقولك إزاي تعيش
مأساتك سبوبة بياكلوا منها عيش

اللي يقول لك إحنا بنتفائل ده بكرة أحلى
إوعي في يوم تسلم كمل بسيطة سهلة
إنت جامد إنت تقدر دنيا حلوة عبي غنوة
إعمل فلوس إعمل فيوز إحلم وطرمخ ع الكابوس

بيبعولك الهوا بيحطوا السم في الدوا
إنت واحد هما سوا
نجوم بعيد في السما
باصين عليك من فوق
جعانين شهرة فلوس وضوء
يدولك مليون أمارة وانت تاخد بالذوق

يديلك مليون أمارة وحلول كل المشاكل
يرمولك طُعم في صنارة تاكل تتشد تتاكل في أغنية أو إعلان
التوجه ياصاحبي عام ويفوت ستين عام
والعمر يجري قوام
يفضلوا يقولو بكرة أحلى طب ياخي أخي أحلى ليه زعلان

كان لك معايا، أجمل حكاية، في العمر كله
كان لك معايا، أجمل حكاية، في العمر كله

الأمل في بوقهم زي اللبانة
كل حاجة اشتغالة والحقيقة بقت رزالة
عاوزينك دايما ساكن وعقلك هو الزنزانة
زيهم زي الدبانة شغالين زن زن زن

صحوك من أحلى نومة فوق يلا إحلم
أوعك تفكر أو تهتم متزودهاش إتلم
فا مخليك متفائل وبلاش غم
حياتك البائسة بالنسبة لهم غذا
بياكلوا في أحلامك الجريئة المتحمسة إنت لقمة إتاكل وإنت ساكت
للمعرفة علشان تنجح لازم تبقي ساقط
فنك يبقي هابط صوتك يبقي خافت أو مش مسموع

كان لك معايا، أجمل حكاية، في العمر كله
كان لك معايا، أجمل حكاية، في العمر كله

مهما ترسم ع الحيطان ألف باب
لسه الحيطان حيطان والرسمة باب
كذاب مهما تفرش طريق أخره لامع بالأضواء يفيد بإيه النور لما يكون سراب
يكتبوا على قبرك كان راجل طيب عاش ومات من سكات

سنين ومرت، زي الثواني، في حُبك إنت
سنين ومرت، زي الثواني، في حُبك إنت

كلمات أغنية مربوط بأستك

نفس المكان بس اليوم جديد
نفس الحفلة وأنا كالعادة وحيد
نفس البنات والحكايات مع اختلاف الأسماء
مزيكا بترقص، زحمة تفطس
والناس على بعضيها بتبصبص
ده بينفسن، دي بتلسّن
والجو مكهرب ومتنشن

دخلت واحدة شكلها غيرهم
باين أوي إنها مش منهم
أجمل من واحدة من غير مجهود
لابسة عادي وشعرها مربوط

مربوط بأستيك في وسط ناس بلاستيك
كله عامل فيها مستر بومباستيك
مربوط بأستيك في وسط ناس بلاستيك
كله عامل فيها مستر بومباستيك

عيني جت فى عينيها وحصل زلزال
وشبطت فيها زى العيال
بس العيال كتير وبيسفوا وبيعاكسوها
ويستفزوا ومع المزيكا بيهزوا

اللي ضرب شوطين والجرأة سايقاه
واللي شدّ لاينين والثقة واخداه
هدوم غالية وناس رخيصة
وكلّه هايص أكيد في الهيصة

عينى جت فى عينيها من جديد
اتكسفت بصّت بعيد
حصلت مفاجأة، فكت شعرها فجأة
في وسط المكان بعد ما كان

مربوط بأستيك في وسط ناس بلاستيك
كلّه عامل فيها مستر بومباستيك
مربوط بأستيك في وسط ناس بلاستيك
كله عامل فيها مستر بومباستيك

حاولت أفتح كلام معاها لكن تنحت
بصتلي باحتقار من فوق لتحت
قولتلها أنا غيرهم، أنا مش منهم
وأتاري مفيش فرق بيني وبينهم

مربوط بأستيك في وسط ناس بلاستيك
كله عامل فيها مستر بومباستيك
مربوط بأستيك في وسط ناس بلاستيك
كله عامل فيها مستر بومباستيك

مربوط بأستيك في وسط ناس بلاستيك
كله عامل فيها مستر بومباستيك
مربوط بأستيك في وسط ناس بلاستيك
كله عامل فيها مستر بومباستيك

كلمات أغنية ساموراي

ساموراي رحال وقالوا لي محال
دي الدنيا في حال وحبيبتي في حال
عندها جناحات هامسكها تطير
غاوية الترحال وأنا نفسي طويل
جمالها رهيب، ولما تغيب
تسونامي رعد وبرق وجو بيبقى غريب
بس أنا مش خايف، أنا ساموراي
بدل السيف أنا بعزف ناي
راكب أوبر، من طوكيو وجاي
ترفضني إزاي وأنا الساموراي

وهفضل ألف، ألف، ألف
وراكي هلف، هلف، هلف
والدنيا تاخذني تلف، تلف
لحد ما شيب أو عقلي يخف
وهفضل ألف، ألف، ألف
وراكي هلف، هلف، هلف
مهما الدنيا تاخذني هلف
أنا مجنون مش عايز أخف

هفضل رحال ما أعرفش محال
وراكي لو حتى في آخر الدنيا في وسط جبال
في الأصل محارب، بس بغني
ويمكن صوتي يوصل لك أسرع مني
والسكة تهون ويكون ما يكون
لو مئة فيضان أنا هعرف أعدي أجي لك عوم

بس أنا مش خايف، أنا ساموراي
بدل السيف أنا بعزف ناي
راكب أوبر، من طوكيو وجاي
ترفضني إزاي وأنا الساموراي

وهفضل ألف، ألف، ألف
وراكي هلف، هلف، هلف
والدنيا تاخذني تلف، تلف
لحد ما شيب أو عقلي يخف
وهفضل ألف، ألف، ألف
وراكي هلف، هلف، هلف
مهما الدنيا تاخذني هلف
أنا مجنون مش عايز أخف

كلمات أغنية ناس بترقص وناس بتموت

الحقيقة واضحة وضوح الشمس
لكن ممنوع الإقتراب أو اللمس
كلمة الحق الزمان ده انتحار
لو قلتها تبقى ماشي عكس المسار
عندي بدل الأمارة ألف أمارة
مالكوم إكس وغاندي وتشي جيفارا
ماتوا بالرصاص عشان حسوا بالناس
قال إيه كانوا عايزين العدل يكون أساس
جرب تقول حرية أو عدالة إجتماعة
جرب تقول مساواة أو كرامة إنسانية
جرب تقول حقوق إنسان أو تعارض النظام
أوعى تفكر تفكيرك خط أحمر
أخرك هتقدر تاخذ عيش
عشان يسكتوك مش عشان تعيش
ولو صممت تمشي عكس الناس
الإجابة هتكون بالرصاص

ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت

الجهل وحش ومن صناعة الأنظمة
سلاح بينفع في كل الأزمنة
إدي الناس سمكة هياكلوا يوم
علم الناس الصيد هياكلوا كل يوم
العلم نور والنور علينا مش بيعدي
عايشين في ظلمة والظلمة ياما بتخبي
قتل حبس دم فساد وظلم
إغتصاب لأي حلم عايشين في سجن
ومع الوقت كل حاجة بتعدي
أكل العيش صعب بيخلي العقل يصدي
والخوف ساكن قلوب الناس
وبيقتل جواهم الإحساس
يا أهالينا ده المستقبل لينا
ما تبقوش إنتم والزمن علينا
جيلكم ساكت ولا عمره اتكلم
دلوقتي جاي ينظر ويعلم
آن الأوان الراية تتسلم

ناس بترقص وناس بتموت
وأعلى صوت في الحفلة صوت السكوت
ناس بترقص وناس بتموت
وأعلى صوت في الحفلة صوت السكوت

كلمات أغنية غمض عينك

غمض عينك، لو حتي دقيقة
إنت الأغنية والدنيا المزيكا
امشي معاها وادخل جواها
غنّي بإحساس لو حتي نشاز
الدنيا دوامة ومفيش عوامة
سيب نفسك خالص و كفاية دراما
الدنيا سهلة مش مستاهلة
ماتفكرش في بكرة دلوقتي أحلي

متلخبط وبتتخبط ولبكرة قاعد بتخطط
ونسيت تعيش، باصص وراك مش قدامك
متكتف واقف في مكانك وما بتمشيش

غمض عينك، مرة كمان
الدنيا لوحة وإنت الفنان
إرسم بمزاجك واشطب على اللي فاتك
بكرة عاوز يسمع حكاياتك

اشخط في سكوتك واسمع صدا صوتك
قبل ما الدنيا، تجري وتفوتك
اقلب الصفحة، الدنيا لحظة
في مرة هتنام ومش حتصحي

متلخبط وبتتخبط ولبكرة قاعد بتخطط
ونسيت تعيش
باصص وراك مش قدامك
متكتف واقف في مكانك وما بتمشيش

الدنيا لعبة واللعبة صعبة
هزها شوية وكفاية قعدة
عدي كل المراحل و حلمك حتلاقيه
إوصل للوحش وعلّم عليه

أول ما تنجح حتلاقي كلاب بتنبح
والفاضي حيعمل قاضي و بخياله يسرح
اوعي تدخل معاه الحرب
عمرك شوفت واحد بيعض كلب
هشه هيصنفوك ولتحت يشدوك
و ناس تانية تشدك لفوق، فوق
هينفخوك ويبروزوك ويطبلولك ويتلونوا بلونك
عاوزينك تبقي نجم وتبقي قدوة
صدّق نفسك، تعيش الكدبة
إمشي في طريقك لو كل الناس ماشية عكسك
ماتحاولش تراضي كلّه وتخسر نفسك

متلخبط وبتتخبط ولبكرة قاعد بتخطط
ونسيت تعيش، باصص وراك مش قدامك
متكتف واقف في مكانك وما بتمشيش

متلخبط وبتتخبط ولبكره قاعد بتخطط
ونسيت تعيش، باصص وراك مش قدامك
متكتف واقف في مكانك وما بتمشيش

كلمات أغنية غريب في بلاد غريبة

عين يا ليل، يا عين يا، يا، يا، يا ليل، يا عين يا، يا ليل

في وشوش الناس، في وشوش الناس أنا تأملت
وفهمت معاني، معاني، معاني، معاني واتعلمت
في وشوش الناس، في وشوش الناس، أنا تأملت
وشفت معاني واتعلمت
شفت الغلبان، الغلبان المهموم
وشفت الشر وشفت الشر جوة العيون
شفت الدين والإيمان
وشفت الفجر، أنا، أنا، أنا شفت الفجر
شفت الفجر والنسيان

غريب في بلاد غريبة، غريب في بلاد غريبة
في بلاد غريبة
أنا شفت ناس تتباع بالمال وأب بيشقى على لقمة حلال
أنا شفت ناس تتباع بالمال وأب بيشقى على لقمة حلال
يتعب يشقى يشيل الهم، يفرح يزعل مش مهم

الناس شغالة والرزق عال وناس تتبطر وتشكي الحال
الناس شغالة والرزق عال وناس تتبطر وتشكي الحال
شباب كثير عاوز يتغير، مش لاقي حلمه ونفسه يعبر
غريب في بلاد غريبة، غريب في بلاد غريبة
في بلاد غريبة، آه قول يا بو شريف قول

غريب في بلاد غريبة، غريبة في بلاد
غريب في بلاد غريبة، آه، في بلاد غريبة
في بلاد غريبة.

كلمات أغنية ليلى

من زمان نفسي أغني لك وأحكي لك قد إيه أنا بحبك
وأمسك قلمي وأكتب لك وأعمل أغنية باسمك
وأسرح بعيد وافتكرك

كل الكلام اللي جوايا مش كفاية وميكفيش
حتى البداية لما كنتِ واقفة معايا
في بداية الطريق والحلم كان لسه بعيد
في عز يأسي وكلّ الدنيا ماشية عكسي

عشانك أنا قادر أكمِّل، عشانك قادر اتحمِّل
وكل مرة بشوفك، بحبك تاني من الأول
عشانك أنا قادر أكمِّل، عشانك قادر أتحمِّل
وكل مرة بشوفك بحبك تاني
ليلى، ليلى، ليلى، ليلى

كنا أطفال وكبرنا
ومع بعض إحنا كملنا الحكاية، حب ببراءة وسذاجة
غلب الدنيا الكدابة ولسه عايش جوايا

بشوفك زي أول مرة وكنتِ غيرهم
كنتِ حرة واللي في قلبك كان برّه
انتِ كل حلم عدى واستخبى
وخرجتيه مني بزقة، بتشديني ودايماً سابقة

عشانك أنا قادر اكمِّل، عشانك قادر أتحمِّل
وكل مرة بشوفك بحبك تاني
ليلى، ليلى، ليلى، ليلى

كلمات أغنية السكة شمال في شمال

السكة شمال في شمال واليمين اختفى
لفت بينا الأيام خدنا أجدع قفا
امشيها مظبوط تاخد أكبر خازوق
امشيها معووج يرفعوك لفوق
إوعاك تسأل لماذا أو من أين لك هذا
خدلك جوب وإزازة وابعد عن السياسة
نام وبلاش غلاسة، دي مواضيع صعبة وحساسة
وانت ملكش عازة، آخرك دمعة وجنازة
واطي بقى عالي ورخيص بقى غالي واحنا كدة بالتالي ملناش مكان
وهفضل أغني تاني وأعيد فكلامي السكة قدامي شمال في شمال
واطي بقى عالي ورخيص بقى غالي واحنا كدة بالتالي ملناش مكان
وهفضل أغني تاني وأعيد فكلامي السكة قدامي شمال في شمال
ناس سارقينا وعاملين منا، اللي صابغ شعر واللي عاملة حنة
عواجيز وسايقنا، في الحيطة ملبسنا
موتور خربان من غير منافلة
لو أنت غلوبة هتشيل فيها، أوبا حقوقك اشطبها إوعاك تطلبها
امشي جنب الحيطة وإوعى تعمل زيطة احفر حفرة غويطة وادفن راسك فيها
واطي بقى عالي ورخيص بقى غالي واحنا كدة بالتالي ملناش مكان
وهفضل أغني تاني وأعيد فكلامي السكة قدامي شمال في شمال
واطي بقى عالي ورخيص بقى غالي واحنا كدة بالتالي ملناش مكان
وهفضل أغني تاني وأعيد فكلامي السكة قدامي شمال في شمال

كلمات أغنية ناس وناس

في ناس ماتت عشان تعبر وترفع يا بلد اسمك
وناس عاشت عشان تهبر وتنهش حتة من جسمك
في ناس حاربت عشان عرضك روت من دمها أرضك
وأدت يا وطن فرضك بدون لحظة ما تتردد
في ناس ماتت عشان مبدأ سنين بسلاحها في الخندق
ومين ممكن يكون أصدق من اللي عشانك إستشهد
فيه ناس ماتت بلا زفة وسابت مصرنا واقفة
ولو يتحط في الكفة بطل منها بجيش كامل

لا تعرف يعني إيه تطبيع ولا معنى إنك إنت تبيع
تاريخ أمة خلاص بيضيع بوهم إسمه سلام شامل
في ناس قضت على الجبهة سنين مكوية بلا هبها
تاريخنا عمره ما جابها ولا سجل حكايتها
لا سألت عن مكاسبها ولا العيلة اللي هتسيبها
ولا كانت بتحسبها وضحت راضية بحياتها
فيه ناس حاربت ومش عايزة ولا تكريم ولا جايزة
وقابلت ربها فايزة بجناته ورضوانه
وناس عاشت عشان تحرق وطن وفي ثروته تسرق
وجاهزة تهج لو يغرق فلا عاشوا ولا كانوا

في ناس لأجل البلد صنعت ملامح نصر بيه رفعت
رقابنا فوق وما طمعت في مال يا مصر أو شهرة
في ناس لأجل البلد قاست وفوق المستحيل داست
وناس من بعدها عافت فساد في أرضك الطاهرة
من الشهدا في عبور الجيش إلى الشهدا في طابور العيش
سنين فاتت وما قدرتيش تصوني نصرك الغالي
في ناس سرقت ثمار النصر وباعت كل حاجة في مصر
وخليتنا نعيش في عصر مهيش بلدي وأنا مالي
وأنا مالي وأنا مالي وأنا مالي